Një rrjet i ri social është duke qarkulluar në treg, i quajtur Threads. Një krijim i Mark Zuckenberg, i cili synon që të bëjë për vete të gjithë përdoruesit që u larguan nga Twitter, platformë e rivalit të tij më të madh Elon Musk.
Kompania Meta e ka lançuar në treg si një aplikacion komunikimi mesazhesh, por në format është i ngjashëm me Instagramin.
Rrjeti social Threads tashmë është i disponueshëm në 100 vende të botës, mes tyre edhe në Shqipëri.
Disa VIP-a shqiptarë janë parë teksa në rrjetet sociale u bëjnë thirrje ndjekësve që tashmë t’i shohin edhe në llogarinë Threads.
Në Threads mund të publikoni mesazhe deri në 500 karaktere, dukshëm më shumë sesa në Twitter ku maksimalisht gjatësia e karaktereve të një mesazhi ishte 280. Gjithashtu mund të dërgoni video, foto etj.
Në përdorim deri më tani edhe kjo platform komunikimi është shumë e ngjashme me të tjerat, por në vazhdim pritet të sjellë risi.
