Rusia dhe Ukraina shkëmbyen 115 robër lufte nga secila palë të shtunën pasi Emiratet e Bashkuara Arabe vepruan si ndërmjetës.
Të gjithë ushtarët rusë të liruar janë tani në Bjellorusi dhe do të marrin trajtim mjekësor dhe rehabilitim pas kthimit të tyre në Rusi.
Ministria shprehu mirënjohjen për rolin e Emirateve të Bashkuara Arabe në lehtësimin e shkëmbimit të të burgosurve. https://twitter.com/visegrad24/status/1827410332664357191?ref_src=twsrc%5Etfw%7Ctwcamp%5Etweetembed%7Ctwterm%5E1827410332664357191%7Ctwgr%5Eccd35062e7b83d35c46a7a62511a776a63375ec7%7Ctwcon%5Es1_&ref_url=https%3A%2F%2Finsajderi.org%2Frusia-dhe-ukraina-shkembejne-115-te-burgosur-nga-secila-ane-pamje-emocionuese%2F
Presidenti ukrainas Volodymyr Zelensky postoi foto me të burgosurit ukrainas të mbështjellë me flamujt blu dhe të verdhë të vendit dhe të përqafuar me njëri-tjetrin. Ai tha se të kthyerit ishin ushtarakë të rojeve kufitare, të gardës kombëtare, të marinës dhe të forcave të armatosura.
Sipas Dmytro Lubinets, komisioneri i Ukrainës për të drejtat e njeriut, 82 nga ukrainasit e kthyer mbrojtën portin e Mariupolit në vitin 2022.
Duke konfirmuar rolin e saj në lehtësimin e shkëmbimit, Ministria e Jashtme e Emirateve të Bashkuara Arabe tha se numri i përgjithshëm i robërve të shkëmbyer përmes përpjekjeve të saj ndërmjetësuese tani kishte arritur në 1,788. /Telegrafi/
