Regjimi i Putinit ka njoftuar se do të vendosë në gatishmëri raketën e frikshme me aftësi bërthamore “Satan II” që testoi së fundmi në një shfaqje fuqie. Kjo do të ndodh deri në vjesht, ndërsa akti vjen në një kohë ku janë rritur tensionet midis Rusisë dhe Perëndimit ndërsa Moska dyfishon luftën e saj brutale kundër Ukrainës.
Raketa Sarmat thuhet se është raketa balistike ndërkontinentale me rreze të gjatë veprimi në botë, e aftë për të goditur një objektiv 11,200 milje larg – që do të thotë se mund të godasë lehtësisht objektiva në SHBA dhe Evropë.
Ekspertët ushtarakë perëndimorë thanë se Sarmat është i aftë të mbajë 10 ose më shumë koka bërthamore, që mjaftojnë për të zhdukur Britaninë ose Francën në një sulm të vetëm.
Megjithatë, analistët besojnë se objektivi i zbuluar nga Dmitry Rogozin, kreu i agjencisë hapësinore të Putinit, Roscosmos, është një objektiv ambicioz sepse Moska raportoi lëshimin e saj të parë testues vetëm të mërkurën dhe do të nevojiten më shumë teste përpara se raketa të mund të vendoset në gatishmëri.
Testi i kësaj jave, pas vitesh vonesash për shkak të financimit dhe çështjeve teknike, shënon një shfaqje fuqie nga Rusia në një kohë kur lufta në Ukrainë ka çuar tensionet me SHBA-në dhe aleatët e saj në nivelet më të larta që nga kriza e raketave Kubane e vitit 1962.
Rogozin tha në një intervistë me televizionin shtetëror rus se raketat do të vendoseshin me një njësi në rajonin Krasnoyarsk të Siberisë, rreth 1860 milje në lindje të Moskës.
