Boris Johnson ka thënë se ekziston një mundësi që lufta në Ukrainë mund të vazhdojë deri në fund të vitit të ardhshëm, por këmbënguli se Vladimir Putin nuk do të ketë sukses në përpjekjen për të “përmbysur ukrainasit”.
Gjatë një konference për shtyp në Indi të premten, kryeministri u pyet në lidhje me komentet e zyrtarëve perëndimorë, të cilët kanë pohuar se Putin ishte “ende në një pozicion për të fituar”, pavarësisht se kishte bërë gabime strategjike, dhe nëse lufta mund të vazhdojë deri në fund të 2023.
Johnson tha: “Gjëja e trishtueshme është se kjo është një mundësi reale.”
Duke paralajmëruar se situata mbeti “e paparashikueshme”, kryeministri britanik vlerësoi “heroizmin e pabesueshëm të ukrainasve dhe gatishmërinë e tyre për të luftuar”.
Ai shtoi: “Pavarësisht se çfarë epërsie ushtarake mund të jetë në gjendje të sjellë Vladimir Putin në muajt e ardhshëm – dhe jam dakord që mund të jetë një periudhë e gjatë – ai nuk do të jetë në gjendje të pushtojë frymën e popullit ukrainas”.
