Prindërit sakrifikojnë shumë për mirëqenien e fëmijëve të tyre.
Këtë e dëshmon më së miri rasti i një babai, i cili ndërtoi rrugë 4-kilometërshe në një hapësirë malore, me qëllim që vajza e tij të shkojë në shkollë, raporton Daily Sabah.
Gamze Koroku nga Turqia nuk mund të vijonte mësimin në çerdhe, për shkak se nuk kishte rrugë të përshtatshme që autobusi të vinte e ta merrte atë.
Rruga malore që çonte në shtëpinë e tyre në një zonë rurale në provincën Muğla jugperëndimore ishte gunga, jashtëzakonisht e ngushtë dhe e lënë pas dore. Bashkia dhe drejtoria krahinore e arsimit kombëtar kishin hedhur poshtë kërkesat e familjes për të ndërtuar një rrugë të re dhe thanë që ata nuk mund të bënin asgjë për këtë.
Një vit kaloi dhe Gamze, tani 6 vjeçe, u regjistrua në një shkollë fillore në qendër të rrethit Menteşe. Ajo duhej të shkonte në shkollë.
Pasi pa se si u ndikua arsimimi i së bijës nga kjo rrugë, ose më saktë mungesa e saj, Ramadan Korkut, babai i Gamzes, vendosi të ndërmarrë një veprim. Ai filloi të dërgonte vajzën e tij në rrugën kryesore më të afërt, ku autobusi i shkollës mund të arrinte, përmes traktorit të tyre.
As kjo nuk funksionoi.
Si rezultat, Ramadani vendosi që të ndërmarrë një iniciativë: të pastronte, gërryente dhe të shtresonte rrugën.
Ai mori me qira një gërmues dhe katër kamionë. Komuna i huazoi atij një kamion tjetër.
Pas gjashtë ditësh të lodhshme, babai kishe përfunduar punimet në rrugën e shtruar me zhavorr, të shtrirë 4 kilometra.
Gamze tani mund të shkojë në shkollë dhe ta presë autobusin përpara derës së shtëpisë, njësoj si bashkëmoshatarët e saj.
