Tre vjet pasi u shpall “Restoranti më i keq në NYC për momentin”, hamburgeri i Salt Bae në Manhattan është mbyllur.
Salt Bae, sigurisht, është etiketa e mediave sociale për kuzhinierin e famshëm të Nju Jorkut, Nusret Gökçe, i cili u bë i famshëm për hedhjen e kripës nga parakrahu i tij dhe për pothuajse çdo gjë të ngrënshme, duke u dhënë klientëve shkallë të ndryshme kripe.
Pasi fitoi titullin e restorantit më të keq në qytet, ‘Salt Bae’ i turkut të famshëm falimentoi dhe Nusret dështoi pasi mendoi se fama e tij dhe 52 milionë ndjekësit në Instagram do të mjaftonin për t’u katapultuar në një qytet, banorët e të cilit janë të fiksuar pas gjetjes së hamburgerit më të mirë.
Ai hapi Salt Bae Burger në një qytet të fiksuar pas gjetjes së hamburgerit më të mirë të mundshëm. I hapur në fund të shkurtit 2020, pak para se qyteti të hynte në izolimin e Covid-19, akuzohej për seksizëm, sepse u kishte ofruar një “hamburger zonjash” perimesh falas, në madhësi me meze, në simite rozë vetëm për femrat.
Por Salt Bae Burger pësoi një goditje, pasi njujorkezët nuk e përtypnin dot hamburgerin “e artë” me kosto 100 dollarë të Nusretit, as performancën me kripën që kushtonte 99 dollarë.
Nusret, i cili gatuante me syze dielli dhe bluza të ngushta të bardha, kishte parë sukses më parë. Restoranti turk u bë i famshëm tre vjet më parë, në vitin 2017, kur – përmes teknikës së tij “kristalet e kripës që kërcejnë nga krahu i përkulur në një formacion si mjellma” – ai fitoi më shumë se 52 milionë ndjekës në Instagram përmes një zinxhiri steakhousesh Nusr-Et. me më shumë se 20 vendndodhje në mbarë botën.
Por teknika e kriposjes tërhoqi gjithashtu vëmendje të padëshiruar. Kur Gökçe veshi doreza për të kryer kriposjen, disa pyetën veten nëse kjo mund të ishte sepse teknika përndryshe mund të shkelte kodet shëndetësore.
Gjithashtu, përpara se Salt Bae Burger të hapej, kompania pas restoranteve Nusr-Et u godit me pretendime ligjore që varionin nga ngacmimi seksual deri te vjedhja e pagave.
Sidoqoftë, Salt Bae Burger u mbyll muajin e kaluar dhe titulli i burgerit më të mirë dhe më të keq të Nju Jorkut është në kërkim
