Zëvendësdrejtori në Drejtorinë për të ardhura publike Abduselam Selami bashkë me drejtoreshën Sanja Lukarevska takuan kryetaren e Gjykatës Administrative, Elmedine Asani. Në këtë takim theks u vu në thellimin e bashkëpunimit mes këtyre dy institucioneve.
Postimi i plotë:
🤝Në kuadër të agjendës së sotme, bashkë me drejtoreshën Sanja Lukarevska vizituam Gjykatën Administrative të RMV, respektivisht, realizuam takim pune me Kryetaren e posazgjedhur të Gjykatës Administrative, Elmedine Asani.
✔Në takim u bisedua për përforcimin e bashkëpunimit mes dy institucioneve, me qëllim që të kemi efikasitet dhe kontinuitet të lëndëve të cilat Gjykata Administrative i kryen në kuadër të fushëveprimit të saj.
✔Gjithashtu, temë e diskutimit ishte edhe digjitalizimi i dy institucioneve, i cili mundëson aplikimin online dhe lehtëson qasjen dhe kohën e qytetarëve, për të kryer obligimet që kanë ndaj institucioneve, si dhe për të marrë përgjigje më të shpejtë.
