Këngëtarja ka paralajmëruar projektin e saj muzikor ditën e djeshme.
Semi Jaupaj njoftoi se do e lansoi sot në ora 18:00, këngën me titullin “Mos u kthe”.
Ish-banorja e “Big Brother VIP”, sapo ka publikuar këngën e saj të lansuar me videoklip. Teksti është shkruar nga kantuatori, Yll Limani, gjithashtu edhe muzika është realizuar nga ai.
Menjëherë pasi Semi njoftoi për projektin e ri, ajo mori një mbështetje të madhe nga miqtë e saj dhe kolegët. Edhe, moderatorja, Bora Zemani njëherësh e mbështeti shoqen e saj duke i uruar suksese dhe mezi pret ta publikojë këngën.
Kënga duket si një dedikim për historinë e aktorit Donald Veshaj dhe prezantueses Bora Zemani, e cila mori shumë vëmendje gjatë këtij edicioni të Big Brother VIP.
Gjithashtu teksti i këngës është shumë i thellë dhe i dedikohet një dashurie të humbur dhe një tradhëtie.
Ndryshe, ky është projekti i parë muzikor i Semit që pas daljes nga “Big Brother VIP Albania”.
