Në takimin vjetor në Tiranë, vendet e rajonit Adriatiko-Jonian, përfshirë Serbinë, miratuan një deklaratë me të cilën e quajnë pushtimin rus të Ukrainës “agresion të paligjshëm dhe të pajustifikuar” dhe shpreh angazhimin për “sovranitetin, pavarësinë, unitetin dhe integritetin territorial” të Ukrainës.
Kroacia, Sllovenia, Italia, Greqia, BiH, Serbia, Mali i Zi, Maqedonia e Veriut, Shqipëria dhe San Marino u mblodhën në një forum të quajtur “Strategjia e BE-së për Rajonin Adriatiko-Jonian (EUSAIR)”, raporton agjencia kroate e lajmeve Hina.
Në deklaratën e përbashkët, këto vende renditën 25 pika që lidhen me bashkëpunimin e ardhshëm të ndërsjellë nën kujdesin e Komisionit Evropian kurse pika e parë lidhet me luftën në Ukrainë.
“Ne, përfaqësuesit e qeverive (…), shprehim në mënyrën më të fortë keqardhjen tonë për agresionin e paligjshëm dhe të pajustifikuar të Rusisë kundër Ukrainës (…)”, nis deklarata.
“Ne riafirmojmë angazhimin tonë për sovranitetin, pavarësinë, unitetin dhe integritetin territorial të Ukrainës brenda kufijve të saj të njohur ndërkombëtarisht (grant),” shkruan në deklaratë, që nuk është një dokument ligjërisht i detyrueshëm, por shpreh qëndrimin politik parimor të vendeve nënshkruese.
Deklarata u bë e ditur pas një takimi me dyer të mbyllura në Tiranë, ku morën pjesë sekretarët e shtetit të Ministrive të Jashtme.
