Ambasada e Shteteve të Bashkuara në Prishtinë ka uruar për “formimin në mënyrë paqësore të qeverisë së re të Kosovës”.
“Mezi presim të punojmë me qeverinë Hoti, për të vazhduar punët e rëndësishme për paqen, drejtësinë dhe përparimin, përfshirë përpjekjet për fuqizimin e marrëdhënieve rajonale në luftimin e pandemisë së COVID-19”, thuhet në komunikatën e ambasadës amerikane.
Congratulations on the peaceful formation of the new government. We look forward to working with the Hoti government to continue important work on peace, justice, and prosperity, including efforts to strengthen regional relations and combat COVID-19.
— U.S. Embassy Pristina (@USEmbPristina) June 3, 2020
Qeveria e re e Kosovës me kryeministër, Avdullah Hotin, u votua nga Kuvendi i Kosovës, me 61 vota për, 24 kundër dhe një abstenim.
Të drejtën për formimin e qeverisë nga LDK-ja e njohu Gjykata Kushtetuese e Kosovës që shpalli kushtetues dekretin e presidentit Hashim Thaçi për të mandatimin e Avdullah Hotit si kandidat për formimin e qeverisë së re.
Dekretin e presidentit e dërgoi në kushtetuese Lëvizja Vetëvendosje që pretendonte se nuk kishte shfrytëzuar të drejtën e saj kushtetuese për të propozuar mandatarin e ri.
Qeveria Kurti u rrëzua në muajin mars pas një mocioni të suksesshëm mosbesimi në Kuvend.
