Drejtori i një prej spitaleve më kryesor të Haitit u rrëmbye të premten, duke bërë që personeli të refuzonte të pranonte pacientë të rinj,në protestë, pasi vendi i varfër lufton me një shpërthim të koronavirusit nën sulmet dhe dhunën e bandave .
Doktor Jerry Bitar, një kirurg, u rrëmbye menjëherë pasi u largua për punë në Spitalin Bernard Mevs nga shtëpia e tij në një lagje të prapambetur të kryeqytetit, siç i tha stafi i spitalit, Reuters.
Rrëmbimet për shpërblim janë rritur ndjeshëm këtë vit mes një krize politike dhe ekonomike në Haiti, i cili sipas Bankës Botërore është vendi më i varfër në hemisferën perëndimore. Policia konfirmoi 15 raste rrëmbimesh vetëm në janar. Bandat duket se godasin pa dallim, me viktima që fillojnë që nga nxënësit e shkollës në Haitit, ligjvënësit dhe biznesmenët e deri tek punonjësit e ndihmës së huaj.
Një turmë u mblodh jashtë spitalit, në solidaritet me Bitar-in, i cili drejton spitalin së bashku me vëllain e tij binjak, ndërsa stafi thirri njëzëri për lirimin e tij. Mediat haitiane gjithashtu u lutën që banditët të lironin Bitar-in.
“Përballë pandemisë koronavirus, është anormale të marrësh mjekun e spitalit,” tha Jean Ëilguens Charles, një banor lokal, miqtë e të cilit kanë marrë trajtim në spital. “Ne kërkojmë çlirimin e tij pa kushte.”
Ndihmësi mjekësor Claude Devil tha se spitali zakonisht i trajtonte të gjithë haitianët, përfshirë edhe ata që nuk kishin para për të paguar shërbime, por nuk do të merreshin me pacientë të rinj, ndërsa përpiqeshin të kujdeseshin për ata që ishin.
“Ka disa pacientë që presin të operohen, por ne nuk mund të punojmë pa urdhrin e mjekëve,” tha ai.
Autoritetet përkatëse janë duke e hetuar rastin, tha një zëdhënës i Ministrisë së Shëndetësisë.
Spitali Bernard Mevs është një qendër e traumave dhe e kujdesit kritik dhe nuk po trajton aktualisht raste të koronavirusit, por mund të ketë nevojë nëse sëmundja përhapet në mënyrë të konsiderueshme në vend, ku shërbimet e kujdesit shëndetësor dhe infrastruktura sanitare janë të pamjaftueshme.
Sipas një studimi të vitit 2019 nga konsorciumi i Kërkimit dhe Edukimit për Kujdesin Akut në Haiti (REACH), Haiti ka vetëm 64 ventilatorë për një popullsi prej rreth 11 milion, gjë që e bën atë veçanërisht të prekshëm nga një shpërthim i koronavirusit shumë ngjitës, gjë që shkakton sëmundja e frymëmarrjes COVID-19.
Autoritetet Haitianiane deri më tani kanë konfirmuar tetë raste të koronavirusit. Presidenti Jovenel Moise javën e kaluar shpalli një gjendje të jashtëzakonshme, duke urdhëruar shkollat, fabrikat dhe vendet e adhurimit të mbyllura për të parandaluar përhapjen e virusit, mbylljen e kufijve të vendit për njerëzit dhe imponimin e një shtetrrethimi.
Por rrugët vazhdojnë të gumëzhinin sa më shumë në vend, ku më shumë se gjysma e popullsisë jeton nën kufirin e varfërisë dhe i injorojnë rekomandimet për të qëndruar në shtëpi ose për të praktikuar distancën sociale. Shumë nuk kanë qasje fare në burimet e lajmeve.
