Punëtorët libanezë të shpëtimit zbuluan shenja jete të enjten në rrënojat e një ndërtese në një zonë rezidenciale të Bejrut që ishte shembur pas një shpërthimi të madh të 4 gushtit në afërsi të portit, tha një punëtor shpëtimi.
Ai po fliste pasi agjencia shtetërore e lajmeve raportoi se një ekip me një qen shpëtimi kishte zbuluar lëvizjen nën një ndërtesë të shkatërruar në zonën Gemmayze të Bejrut, një nga më të goditurit nga shpërthimi.
“Këto (shenja të frymëmarrjes dhe pulsit) së bashku me sensorin e temperaturës do të thotë se ekziston mundësia e jetës”, u tha gazetarëve në vendngjarje punëtori i shpëtimit Eddy Bitar.
Punëtorët e shpëtimit me xhaketa të ndritshme mbërtheheshin mbi ndërtesën që ishte shembur gjatë shpërthimit, e cila vrau rreth 190 vetë dhe plagosi 6,000 të tjerë.
Bitar tha se një njësi e mbrojtjes civile ishte thirrur për të ndihmuar me pajisje shtesë për të kryer kontrollin.
Media lokale tha se çdo përpjekje kërkimi dhe shpëtimi, nëse do të bëhej e qartë se dikush ishte ende gjallë, do të zgjaste me orë të tëra, raporton Reuters.
