Mjedisi jetësor dhe ajri i pastër janë përfitime për të gjithë ne. Prandaj, përveç masave tjera për zvogëlim, të ndotjes së ajrit të cilat i vendosëm, në katër vitet e ardhshme do të vazhdojmë edhe me subvencionet për inverterë, porositi kryetari aktual i Qytetit të Shkupit dhe kandidat i LSDM-së dhe Koalicionit, Petre Shilegov në mitingjet e mbrëmshme në Karposh dhe Qendër.
Kjo, tha, do të vlejë më pak tym nga oxhaqet, ngrohje ekologjike në shtëpi dhe ndërmarrje të hapave konkret për mbrojtje të mjedisit jetësor.
“Zëvendësimi i stufave për ngrohje me inverterë llogaritet si një nga metodat më të suksesshme në luftën kundër ajrit të ndotur, sepse në plan afatgjatë, Qyteti i ndali 8.000 oxhaqe në Shkup, duke ndryshuar gjithashtu po aq shtëpi të ngrohen nga druri/qymyri/nafta në energji të pastër elektrike”, tha Shilegov para të pranishmëve.
Sipas tij, kjo masë për zvogëlim të ndotjes së ajrit do të vazhdojë në katër vitet e ardhshme me një milion euro në nivel vjetor që të mund të zëvendësohen prej 1.000 deri 2.000 stufa me inverterë.
