Duke iu përgjigjur në pyetjen e gazetarit në lidhje me prezantimin e programit të kandidates Danella Arsovska, Kryetari i Shkupit Petre Shilegov vuri në dukje se nga sa ka dëgjuar, premtohen gjëra që janë në fazën e realizimit:
“Të gjithë kanë të drejtë të dalin me ofertën e tyre. Nga ajo që arritën të më tregojnë kolegët e mi – nuk mund ta shikoj, kam detyrime – ky bulevard “Boris Trajkovski” ku jemi sot premtohet, Ëtshtë premtuar zgjerimi i “Bulevardit të Sllovenisë”, diçka për të cilën qyteti dje i hapi ofertat për të. Është premtuar “Bulevardi Kroacia”, për të cilin ka përfunduar dokumentacioni i ndërtimit, dhe aktualisht po zhvillohet dislokimi i instalimeve energjetike të MEPSO dhe EVN. Është premtuar një Sallë Universale, e cila është duke u bërë.”
Kryetari Petre Shilegov vuri në dukje se secili duhet të dalë me ofertën e vet: “Ajo për të cilën po flas është pikërisht ajo që ne kemi bërë në katër vitet e fundit, dhe kjo është se Shkupi po rritet dhe zhvillohet në të gjitha segmentet e tij, në të gjitha pjesët e saj. Dhe ajo që është shumë e rëndësishme për mua, si person, si kryetar komune, dhe madje edhe si politikan nëse doni – që në këtë qytet njerëzit janë mbi të gjitha. “Ajo që ne po bëjmë, ajo që ne po zbatojmë, ajo që jam i bindur se do të vazhdojmë ta bëjmë në katër vitet e ardhshme është se njerëzit janë mbi politikën.”
