Kuvendi i Maqedonisë së Veriut pas një debati të zgjatur deri në orën tre të mëngjesit ka shkarkuar ministren teknike të Punës dhe Politikave Sociale, Rashela Mihrazi
Arsyeja e shkarkimit të saj është se gjatë daljeve të saj publike në ministri kishte përdorur tabelën e vjetër me mbishkrimin Republika e Maqedonisë, dhe jo tabelën me emrin e ri Republika e Maqedonisë së Veriut, që duhet të jetë edhe në gjuhën shqipe. Për propozimin për shkarkimin e saj votuan 62 deputetë, ndërsa 26 ishin kundër. Kryeministri teknik Oliver Spasovski tha se ministrja Mizrahi në disa raste kishte shkelur Kushtetutën duke mos përdorur emrin e ri kushtetues të vendit, që u ndryshua me Marrëveshjen e Prespës.
Mizrahi është me origjinë hebrenje dhe se ajo në Kuvend deklaroi se kjo ishte arsyeja e kurtheve ndaj saj, që nga koha kur ka marrë detyrën e ministres.
