Një konsol shumë i rrallë i pagëzuar me emrin Nintendo Playstation e cila nuk doli kurrë në shitje do të kushtojë miliona dollarë në një ankand në shkurt.
Ajo u prodhua 30 vite më parë dhe ishte një shkrirje mes Nintendos dhe Playstation ku mund të luheshin lojra nga të dy kompanitë.
Fillimisht u projektua nga gjiganti Nintendo por më pas u stampua me logon e Sony por ky projekt u ndërpre në mes nga kompanitë japoneze.
Por në vitin 2009 një person e bleu këtë prototip nga një prej ish pronarëve të Sonyt për djalin e tij.
Ky i fundit publikoi në 2015-ën disa foto të konsolit duke tërhequr kështu vëmendjen e shumë personave të apasionuar pas video lojrave.
Prej katër vitesh ai ka udhëtuar në konventa të ndryshme për videolojrat duke e ekspozuar në të gjithë botën.
Por tashmë ai e ka parë të arsyeshme që duhet ta shesë por me një vlerë marramendëse.
Diebold, pronari i këtij konsoli pranon se ka pasur një ofertë shumë tunduese nga një person në Danimarkë i cili i ofroi 1.2 milion dollarë për ta blerë, por ai mendoi se vlera e kompjuterit është më e madhe.
Ekspertë të ndryshëm janë duke punuar për të vendosur çmimin e saktë për këtë pajisje.
Ankandi do të zhvillohet në datën 27 shkurt 2020.
