Sot në Stacionin Hekurudhor në Shkup ndodhi një skenë e pazakontë kur një shofer taksie, për shkak të parkimit të parregullt, u ngjit mbi çatinë e veturës së tij për të parandaluar shërbimin për tërheqjen e veturave (“merimanga”) që ta marrë veturën. Reagimi i tij për disa ishte trimëri, për disa marrëzi, por në fund, në vend që të paguante një shumë për shërbimin e “merimangës” dhe një gjobë, ai pagoi vetëm një gjobë prej 1.500 denarësh.
Incidenti ndodhi pasi shërbimi i “merimangës”, i shoqëruar nga policia, mbërriti në vendngjarje për të larguar veturën e parkuar në mënyrë të parregullt. Shoferi, në përpjekje për të parandaluar procedurën, u ngjit mbi çatinë e taksisë, duke shprehur qartë se nuk do të lejonte që vetura të ngrihej.
Ai nuk u tërhoq dhe deklaroi se ishte i gatshëm të paguante vetëm gjobën e përcaktuar me ligj prej 1.500 denarësh, pa shpenzime shtesë për ngritjen e veturës.
Pas një negocimi të shkurtër me autoritetet, iu shqiptua vetëm gjoba monetare, ndërsa vetura mbeti në vendin e ngjarjes.
Foto: MKD
