Zyrtarët shëndetësorë në Kinë po monitorojnë përhapjen e një virusi të ri që ka infektuar tashmë dhjetëra, pavarësisht se asnjëri prej tyre nuk ka asnjë kontakt të afërt.
Henipavirusi Langya, i cili zakonisht gjendet te lakuriqët e natës dhe minjtë, ka infektuar 35 persona në provincat e Shandong dhe Henan, sipas Qendrave për Kontrollin e Sëmundjeve të Tajvanit (CDC), raporton Taipei Times.
CDC ka konfirmuar se ata do të fillojnë të krijojnë procedura të mëtejshme të testimit të acidit nukleik, procedurat e gjurmimit dhe sekuencën e gjenomit.
Zëvendësdrejtori i Përgjithshëm i CDC, Chuang Jen-hsiang tha për Taipei Times se nuk ka pasur raste të konfirmuara të transmetimit të virusit nga njeriu te njeriu, megjithatë ai u bëri thirrje njerëzve t’i kushtojnë vëmendje përditësimeve të mëtejshme ndërsa autoritetet vazhdojnë të hetojnë.
Njoftimi vjen pas një studimi të botuar në New England Journal of Medicine.
26 nga 35 pacientët e infektuar kanë vuajtur simptoma të ngjashme me gripin, me studimin që nënvizon se simptomat e henipavirusit Langya deri më tani kanë përfshirë ethe, lodhje, kollë, dhimbje koke, humbje të oreksit dhe të vjella.
Henipavirusi Langya i përket familjes së henipavirusit, i cili ka dy viruse të identifikuara më parë; virusi Hendra dhe virusi Nipah.
Viruset nga familja henipavirus kanë një shkallë vdekshmërie deri në 75 për qind, duke e bërë shkallën e vdekshmërisë shumë më të lartë se koronavirusi, raporton Organizata Botërore e Shëndetësisë.
