Lija e majmunit mund të përmbahet në vende jashtë Afrikës ku virusi zakonisht nuk zbulohet, thotë Organizata Botërore e Shëndetësisë (OBSH).
Më shumë se 100 raste të virusit – që shkakton skuqje dhe ethe – janë konfirmuar në Evropë, Amerikë dhe Australi.
Ky numër pritet të rritet ende, por ekspertët thonë se rreziku i përgjithshëm për popullatën e gjerë është shumë i ulët.
Virusi është më i zakonshëm në pjesët e largëta të Afrikës Qendrore dhe Perëndimore.
“Kjo është një situatë e kontrollueshme,” tha udhëheqësja e sëmundjes në zhvillim e OBSH, Maria Van Kerkhove në një konferencë shtypi të hënën.
“Ne duam të ndalojmë transmetimin nga njeriu te njeriu. Ne mund ta bëjmë këtë në vendet jo-endemike,” shtoi ajo.
Pavarësisht se është shpërthimi më i madh jashtë Afrikës në 50 vjet, lija e majmunëve nuk përhapet lehtë mes njerëzve dhe ekspertët thonë se kërcënimi nuk është i krahasueshëm me pandeminë e koronavirusit.
“Transmetimi po ndodh vërtet nga kontakti lëkurë në lëkurë, shumica e njerëzve që janë identifikuar kanë më shumë një sëmundje të lehtë,”-tha Van Kerkhove.
Një zyrtar tjetër i OBSH-së shtoi se nuk kishte asnjë provë që virusi i lisë së majmunit kishte pësuar mutacion, pas spekulimeve të mëparshme mbi shkakun e shpërthimit aktual.
Viruset në këtë grup “priren të mos ndryshojnë dhe ato priren të jenë mjaft të qëndrueshme”,-tha Rosamund Leëis, e cila drejton sekretariatin e lisë së OBSH-së.
Ndërkohë, një zyrtar i lartë shëndetësor i BE-së ka paralajmëruar se disa grupe njerëzish mund të jenë më të rrezikuar se të tjerët.
Lija e majmunëve nuk është përshkruar më parë si një infeksion seksualisht i transmetueshëm, por mund të transmetohet nga kontakti i drejtpërdrejtë gjatë seksit.
Dr Ammon sugjeroi që vendet duhet të rishikojnë disponueshmërinë e vaksinës së lisë, e cila është gjithashtu efektive kundër lisë së majmunëve.
Simptomat, të cilat përfshijnë një temperaturë të lartë, dhimbje dhe skuqje të njollave të ngritura që më vonë kthehen në flluska, janë zakonisht të lehta dhe për shumicën e njerëzve zhduken brenda dy deri në katër javë./
