Një 39-vjeçar shqiptar i ka marrë jetën partneres së tij rumune, në Heraklion të Kretës.
Policia e ishullit grek dyshon se Gentian Mino ka qenë i dehur kur është kthyer në shtëpinë ku jetonte me 29-vjeçaren Jana Baja dhe pas një sherri të momentin e ka qëlluar për vdekje në kokë dhe më pas ka telefonuar ambulancën.
Çifti jetonte në një apartament në katin e 2-të, në rrugën Patroklou të Kaminias.
Sipas informacioneve, gruaja është gjetur në një pellg gjaku me një plagë me plumb në anën e kokës, pranë veshit. Arma e krimit u gjet në një tavolinë brenda shtëpisë dhe brenda saj kishte 3 fishekë.
Sakaq, 39-vjeçari është arrestuar në vendngjarje dhe ka pranuar krimin duke thënë se ka qëlluar me pistoletë partneren e tij.
Në lagje, fqinjët e çiftit që kanë folur për mediat kanë thënë se nuk mund ta besojnë se e reja është vrarë nga partneri i saj. Çifti nuk kishte pasur kurrë më parë probleme, debate apo raportime për dhunë në familje.
