Ministria e Shëndetësisë e Shri Lanka ka bërë të ditur se do të rrisë kufizimet kundër COVID-19 pasi vendi raportoi 1 mijë e 111 raste të reja.
Besohet se rritjen e rasteve e shkaktuan festimet e Vitit të Ri në Sinhala dhe Tamil më 13 dhe 14 prill, shkruan CNN.
Gjatë këtyre ditëve rrugët ishin të mbushura me njerëz që festonin dhe kishin dalë për të blerë gjëra sipas ministres së Shëndetësisë, Pavithra Wanniarachchi.
Duke filluar nga sot, shkollat në të gjithë Shri Lanka do të mbyllen. Punëdhënësve publikë dhe privatë u kërkohet të kufizojnë numrin e njerëzve që kërkohen të paraqiten në punë.
Autoritetet gjithashtu kanë mbyllur autostradën kryesore midis Colombo dhe qytetit port të Hambantota dhe kanë vendosur më shumë se 100 zona në të gjithë vendin në bllokim.
Presidenti Gotabaya Rajapaksa tha këtë javë se përgjigjja e vetme për të përballuar situatën aktuale është vaksinimi, por vendi po përballet me një mungesë vaksine.
