Komisioni parlamentar për mbrojtje dhe siguri s’arriti të hap debatin për propozim ligjin për shtetësi. Seanca nisi me vërejtje të shumta të VMRO – DPMNE – së të cilët kërkuan ndërprerje të punës së komisionit dhe hapjen e debatit publik dhjetë ditët në vijim. Sipas tyre ekspertët duhet të vendosin për arritjen e një ligji përmbajtjesor afatgjatë.
“Në një séance të atillë mund të thërrasim institucione kompetente, ministrinë e brendshme, të drejtësisë, të Komitetit të Helsinkit, organizata për të drejtat e njeriut, mund ta ftojmë edhe gjyshen nga Debreshi përse nuk ka marrë shtetësi 30 vite, por mund ta ftojmë edhe Sedat Peker përse ka marrë shtetësi për tre javë dhe të shohim se ku qëndron problemi.”,- tha deputeti i VMRO–DPMNE–së, Antonio Milloshovski.
