Shkupi vazhdon të arrijë shifra alarmante të ndotjes së ajrit. Koncentrimi i grimcave PM10 është mbi nivelin e lejuar në shumë qytete të Maqedonisë.
Mjeku Dragan Gjorgjev, nga Instituti i Shëndetit Publik thotë se është rritur numri i personave me komplikime në sistemin e frymëmarrjes. Ai shtoi se ndotja e ajrit përveç mushkërive të bardha ndikon dhe bllokon të gjithë funksionimin normal të organizmit.
Më e theksuar është tek personat e moshuar dhe tek të sëmurit kronik. Megjithatë në krahasim me vitet e kaluara pritët që kapaciteti të rritet për 30 deri 40 për qind për të pranuar të sëmurë, veçanërisht fëmijë me bronkit të komplikuar dhe sëmundje te frymëmarrjes, për te moshuarit dhe të sëmurët kronik.
Në përgjithësi ndotja e ajrit bën një bllokadë në sistemin rregullator të organizmit dhe shkakton sëmundje kardiovaskulare pra ndikon në sistemin e zemrës në sistemin e trurit. Mundet të kemi goditje në tru, infarkt në zemrës. Tek fëmijët është e fokusuar në sistemin e frymëmarrjes, bronkit në mushkëritë e bardha dhe sulme të astmës”- tha Dragan Gjorgjev nga Instituti i Shëndetit Publik.
Gjorgjev vlerëson se është shumë e vështirë që të mbrohemi nga ndotja, sepse nuk merren masa konkrete dhe në mënyrë të organizuar që të ndikojnë në uljen e ndotjes së ajrit. Ai shton se edhe këtë vit do të kemi raste të shtuara të vdekjeve nga ndotja e ajrit.
Qytetarët të mos dalin pa nevojë jashtë dhe nëse e kanë patjetër të mos qëndrojnë shumë gjatë kohë, të mos bëjnë aktivitete ose ushtrime fizike në ambient të hapur dhe kujdes të shtuar duhet të kenë edhe punëtorët që punojnë në ndërtimtari, bujqit në ambient të hapur të përdorin maska dhe të jenë të kujdesshëm gjatë zgjedhjes së maskës”- u shpreh Dragan Gjorgjev nga Instituti i Shëndetit Publik.
Ndër qytetet më të ndotura radhiten Shkupi, Tetova, Manastiri, Gostivari, Kërçova dhe Kumanova
