Sigurimi i Kuvendit ja ka ndaluar deputetit Sami Kurteshi një brisk që ky po e mbante në çantë derisa po hynte në objektin e Kuvendit të Kosovës.
Marketing
Kjo ka ndodhur derisa Kurteshi po hynte në seancën plenare të së hënës.
Sigurimi u ka thënë gazetarëve se Kurteshi mund të marr briskun pasi që të dalë nga objekti i Kuvendit, përcjell gazetametro.net.
Vet deputeti Kurteshi u pa i tendosur kur u pyet nga gazetarët për rastin.
Ai i ka lutur gazetarët të mos merren me këto gjëra, pa pranuar që të flet nëse atij i është ndaluar brisku apo jo. Madje ai i ka cilësuar ato si marrëzira dhe personalizime.
Ndërsa, për përgjigje u ka thënë gazetarëve që të shkojnë ta pyesin sigurimin, duke mos pranuar vet që të flas për rastin.
