Skandaloze: Specialja kërkoi material inkriminues për Adem Jasharin

11/09/2020

Specialja kërkoi material inkriminues nga Prokuroria e Serbisë për Adem Jasharin, 17 vite pas rënies së tij.

Në mars të vitit 1998, pas një rezistence disa ditore në Prekaz, ishte vrarë komandanti Adem Jashari dhe familja e tij rreth 60 anëtarëshe. Sulmi i Njësisë Speciale të Serbisë mbi familjen Jashari në Prekaz edhe nga Amnesty International ishte konsideruar se qëllim kishte vrasjen mizore të Adem e Hamëz Jasharit dhe familjes së tyre.

Marketing

Njëjtë sikurse shumë masakra të tjera, edhe maskra mbi familjen Jashari në Prekaz ishte kryer nga forcat e rregullta policore, ku edhe pas 21 viteve ende nuk është ndëshkuar askush, përkundër që dihen me emra dhe mbiemra i tërë zinxhiri komandues, që nga polici ekzekutues deri tek presidenti famekeq, Sllobodan Millosheviq.

Për këto vrasje barbare, drejtësia ndërkombëtare asnjëherë nuk bëri përpjekje që të vendoste drejtësi dhe t’i gjykonte kriminelët serbë. Por, më 11 qershor 2015, ajo bëri krejtësisht të kundërtën.

Në mesin e mijëra dokumenteve ekskluzive të Gjykatës Speciale që dolën në publik ishte edhe një letër, ku prokurori udhëheqës David Shwendiman kishte kërkuar dokumente në Serbi për Adem Jasharin nga Vladimir Vukcevic, ish-prokuror për krime lufte.

Në letrën e tij, prokurori Shwendiman thotë se duke u nisur nga koordinimi i vazhdueshëm dhe nga takimi i mbajtur më 1 qershor 2015, Prokurorisë së Serbisë për Krime Lufte i kërkon furnizim me kopje të rasteve që kanë të bëjnë me terrorizëm nga grupet e organizuara të armatosura të kryera nga shqiptarët e Kosovës në periudhën 1981-1999, duke përmendur edhe emrin e Adem Jasharit, i cili bashkë me familjen e tij 60 anëtarëshe ishte vrarë çnjerëzisht në shtëpinë e tyre ,pikërisht nga forcat serbe 17 vite para se ai të kërkonte material inkriminues për të.

“Për më shumë, me mirësi ju kërkojmë nëse është e mundur që dokumentet e para duhet të jenë në lidhje me rastin KT nr. 139/96, gjykimi K nr. 37/97 gjykuar nga Gjykata e Distriktit të Prishtinës ndaj personave në vijim: Besim Rama, Idriz Asllani, Adem Jashari, Jakup Nura, Fadil Kadriu, Nuredin Lushtaku, Sahit Jashari, Hashim Thaçi, Sami Lushtaku, Rexhep Selimi etj”, thuhet në këtë dokument të hetuesve të Gjykatës Speciale.

Shteti i Serbisë i ka kryer mbi 400 masakra çnjerëzore mbi popullsinë shqiptare në Kosovë. Mizorisht i ka vrarë rreth 13 mijë civilë të pafajshëm, ku rreth 1300 prej tyre ishin fëmijë. Forcat policore dhe ushtarake të Serbisë i kanë dhunuar mbi 20 mijë gra shqiptare dhe mbi një milion shqiptarë i kanë dëbuar dhunshëm nga shtëpitë e tyre. Në përpjekje për spastrim etnik, ato i kanë djegur dhe shkatërruar edhe shumicën e pronave shqiptare.

Kërkesat e drejtësisë ndërkombëtare për hetimin e viktimave të vrara mizorisht nga regjimi i Serbisë, për të cilat asnjëherë nuk mori mundin të vendoste drejtësi, janë fyerje dhe padrejtësi e shumëfishtë ndaj vetë viktimave, familjeve të tyre dhe popullit shqiptar.

Skandaloze: Specialja kërkoi material inkriminues për Adem Jasharin

LAJMET E FUNDIT

Trump ashpërson tonin dhe vendimet, rrit tarifat ndaj ndaj këtyre shteteve

Ibrahimovic fotografohet me të dashurën, 11 vjet më të moshuar

Ganiu: Sheshi “Skënderbeu” u kthye sot në një qendër të unitetit kombëtar

Arianit Besiri fiton zgjedhjet për kryetar bashkie në Gjermani

Nis me tensione dhe dhunë protesta e opozitës në Shqipëri

Trajneri i Islandës jep dorëheqjen para ndeshjes me Kosovën

Rriten kontrollet në pikë pagesat e Maqedonisë, gjoba nga 200 euro për ato që nuk paguajnë

SHOWBIZ

Ibrahimovic fotografohet me të dashurën, 11 vjet më të moshuar

Edi reagon sërish pas daljes nga BBVK, ka diçka për të thënë për rekordet

“M’ka pshtu nga goja”, Edi bëhet pishman për ofendimet ndaj Sarës

Edi befason me sekretin në Big Brother: Kam korruptuar një person të shtetit me para

Vullneti-Leos: Po luan si fituesi i edicionit të kaluar të BBVK

Rrjetet sociale