Me ardhjen e turistëve të shumtë të huaj, filloi edhe sezoni turistik në Strugë dhe Ohër. Koha e ngrohtë me diell dhe fundjava e këndshme ka mbushur rrugët dhe shëtitoret e këtyre dy qyteteve.
Ata të cilët mbizotërojnë, janë turistët hollandezë, të cilët u shprehën të mahnitur për natyrën por edhe mikrpitjen e ngrohtë.
“Këtë fundjavë qyteti i Strugës është i mbushur me turistë vendas nga qytete të ndryshme të Maqedonisë, Shqipëria dhe Kosova, por edhe shumë turistë të huaj kryesisht hollandez,të cilët para kamerës sonë u shprehën shumë entuziastë që kanë ardhurpër pushime këtu disa prej kanë ardhur shpesh, e disa të tjerë vijnë për herë të parë, ndërsa përshtypjet e para ishin shumë të mira.”
“Unë kam qenë këtu 5 apo 6 herë por këtu ka persona që vijnë për herë të parë. Njerëzve ju pëlqen këtu, hotelin e kemi këtu në Liqenin e Ohrit, kemi qenë në Shqipëri, në qytete tjera. Na pëlqen këtu kultura, historia, mirësjellja e njerëzve. Një nga arsyet pse njerëzit vijnë këtu është se është i përballueshëm, vende tjera janë shumë shtrejntË, ka çmime të mira, shërbim i mirë, vend i mirë dhe njerëz të mirë.” – tha një turistë hollandez.
“Na pëlqen shumë është shumë qytet i bukur. Më vjen keq që të rinjtë ikin prej këtu, ne e kuptojmë se kërkojnë jetë më të mire, por është bukur këtu. Për ne është shumë lirë këtu, është vend shum i qetë, nuk e di si është në mes të verës por tani është qetë dhe bukur. Edhe njerëzit janë shumë të mirë, jemi shumë entuziastë dhe do ju sugjerojmë të tjerëve që të vijnë këtu.”- u shpreh një tjetër turistë nga Holanda.
“Po hera e parë është. Shumë bukur, na pëlqen sidomos kjo pjesa e lumit shumë bukur. Jemi nga Shkodra. Për çmimet ende si kemi provu kur ti provojmë do shohim.” – theksoi një turistë nga Shqipëria.
“Po është hera e parë, është shumë bukur, natyra shumë e bukur dhe liqeni është i mahnitshëm edhe njerëzit janë shumë të mirë. Nuk është shtrejntë është shumë lirë.” – theksoi turisti nga Holanda.
“Ne rrijmë në Ohër, është më ndryshe, por është shumë bukur, më pëlqen, ka shumë për të parë. Për ne është shumë lirë, shumë mirë çdo gjë njerëzit e mirë.” – deklaroi një turistë tjetër nga Holanda.
Ky sezon veror pritet të jetë më i mirë se ai vitit 2019 i cili deri më tani ka qenë viti që ka arrit kulminacionin e turizmit.
