Përdorimi i maskave në Itali ka mbrojtur nga infektimi më shumë se 78.000 persona në periudhën mes 6 Prillit dhe 9 Majit. Janë këto të dhënat që vijnë nga një studim amerikan i koordinuar nga nobelisti në kimi Mario J. Molina, në universitetin e San Diegos. Studimi i publikuar në revistën amerikane të shkencës (Pnas), vë përballë strategjitë e ndjekura ndaj koronavirusit në Itali dhe Nju Jork, duke theksuar se detyrimi i maskës në vende publike është instrumenti më efikas për të ndaluar përhapjen e Covid-19.
“Transmetimi ajror i virusit është më agresivi dhe përfaqëson mënyrën kryesore të përhapjes së sëmundjes”, shkruajnë autorët e studimit.
“Analiza jonë tregon se detyrimi i mbulimit të fytyrës është përcaktues në modelimin e kurbës se pandemisë në tre epiqendra. Vetëm përdorimi i maskës ka reduktuar në mënyrë të ndjeshme numrin e infektimeve me 78.000 në Itali midis 6 Prillit dhe 9 Majit dhe me 66.000 në qytetin e Nju Jorkut në periudhën mes 17 Prillit dhe 9 Majit. Masat e tjera si distancimi social, nuk janë të mjaftueshme për të mbrojtur popullatën nëse apllikohen të vetme”, thone ata.
Ekspertët rekomandojnë kështu një strategji të kombinuar që kërkon jo vetëm përdorimin e maskave, por edhe distancimin social, karantinën dhe gjurmimin e kontakeve.
