Sipas një studimi të kryer në Britaninë e Madhe rreth 50 përqind e grave të cilat janë në një marrëdhënie kanë një listë me emrat e burrave të cilët mund të shërbejnë si partnerë potencialë në rast ndarje nga partneri aktual.
Ky studim ka përfshirë rreth një milion gra dhe ka dalë në përfundimin se pjesa më e madhe e burrave “ rezervë” janë miq të vjetër të vajzave që gjithnjë kanë treguar interes për ta.
Pjesa tjetër vjen nga burrat që mund të ketë takuar rastësisht në jetë, si përshembull burrat që ka takuar në shkollë, apo në punë, transmeton “Living”.
Ndër të tjera rreth 10 përqind e grave ka thënë se “ Plani B” u është betuar atyre për dashuri të përjetshme.
Sipas atyre, këta burra ishin aq të dashuruar pas tyre sa do të linin çdo gjë për t’u shkuar nga mbrapa.
Ndërsa sipas po të njejtit studim, një grua nga katër pranoi se plani i saj B, e njihte partnerin e saj aktual.
