Një sulm nga rebelët në Burundin perëndimor ka vrarë 20 njerëz, të gjithë përveç njërit prej tyre ishin civilë, ka thënë qeveria e vendit qendror të Afrikës.
Sulmi u mor përsipër nga grupi rebel Red-Tabara, i cili në deklaratën e vet tha se kishte vrarë 10 anëtarë të forcave të sigurisë. Sulmi ndodhi të premten në mbrëmje në qytetin Vugizo, afër kufirit me Republikën Demokratike të Kongos (DRC), ku rebelët kanë një bazë, raporton guardian.
Të shtunën, qeveria tha se “akti terrorist, i poshtër, barbar” kishte në shënjestër civilët dhe vrau “12 fëmijë, përfshirë pesë më pak se pesë vjeç; tre gra duke përfshirë dy që janë shtatzënë; dhe pesë burra duke përfshirë një polic që erdhi për të ndihmuar civilët”.
Nëntë persona të tjerë u plagosën dhe janë dërguar në spital. Red-Tabara, grupi kryesor rebel i Burundit, tha në një mesazh në X, se “luftëtarët … me bazë në Burundi sulmuan postën kufitare Vugizo” dhe se “nëntë ushtarakë dhe një polic u vranë”.
