Ministri i Shëndetësisë, Arben Taravari, në podcastin KohaCast, ka përmendur se për kohën se ai është në kreun e Shëndetësisë, brenda kësaj periudhe ka përmirësuar disa çështje të cilat ishin problematike për vite me radhë.
Taravari tha se si ministër i Shëndetësisë ka përditësuar listën pozitive me nëntë ilaçe, në muaj nga dy-tre milion euro qytetarët shpenzojnë më pak në ilaçe.
“Ky ishte problem 15 vjeçar që nuk është zgjedhur. Tjetra është që specializantët privat, të cilët janë 600, kanë kryer specializim dhe nuk kanë mundë të gjejnë punë. Kemi vendosur që 300 mjekë të punësohen këtë vit dhe 300 vitin e ardhshëm. Kjo nuk ka ndodhur këto 30 vitet e fundit. 1100 infermiere, teknikë, laborantë, pastrues në spitale që kanë punuar me kontrata dhe janë keqpërdorur nga pushtete të ndryshme, puno edhe këto zgjedhje dhe ta japim vendimin. Si dhe kontrata kolektive në Shëndetësi, problem që është nga vitit 2017”, u shpreh Taravari.
