Barnat për pacientët onkologjikë do të dorëzohen në Klinikën për Radioterapi dhe Onkologji deri në fund të kësaj jave, njoftojnë nga Klinika. Për momentin po rrjedh afati i ankesave dhe i njëjti po mbaron dhe çështja e prokurimit publik aktualisht është në Komisionin Shtetëror për Ankesa të Prokurimit Publik.
“Ekipi i Prokurimit Publik i Qendrës Klinike për Radioterapi dhe Onkologji është duke punuar shumë që të gjitha procedurat të përfundojnë sa më shpejt, në mënyrë që deri në fund të kësaj jave të nënshkruhen kontratat me distributorët dhe barnat të dorëzohen në Qendrën Klinike për Radioterapi dhe Onkologji.”, – thuhet në komunikatën e klinikës.
Shoqatat e pacientëve kanë reaguar, se përse është vonuar kaq shumë tenderi kur mjete për të njëjtat kishte. Shëndetësia ka probleme kronike, ndërsa po merr ndërhyrje kozmetike, thotë ish-ministri i Shëndetësisë, Dragan Danilovski.
“Korniza e drejtësisë për prokurim është shumë burokratike, pa mundësi për intervenime të shpejta, gjatë një krize akute, siç ishte rasti me kardiokirurgjinë dhe çfarë duhet të bëhet fillimisht, duhet të kryhet prokurimi i centralizuar i terapisë më kritike dhe i materialeve shëndetësore, me rezerva për një kohë të caktuar prej 3 deri në 6 muaj. Por, edhe të ketë llogaridhënie dhe përgjegjësi e të gjithë personave të involvuar në këtë sistem.”, – deklaroi ish-ministri i Shëndetësisë, Dragan Danilovski.
Danilovski mendon se duhet të krijohet një sistem elektronik, që do të monitoronte furnizimet në kohë reale nga drejtori i klinikës, Fondi i Shëndetësisë dhe ministri i Shëndetësisë. Ai thotë se duhet të ketë afate dhe sanksione të qarta për tenderët, të cilët nuk kryhen me kohë. Por duhet të ketë edhe rregullim dhe mbikëqyrje të aktivitetit shtesë për të parandaluar konfliktin e interesit dhe korrupsionin.
“Po më pyesin se çfarë note meriton gjendja e shëndetësisë në vendin tonë, nëse nota maksimale është 5, unë e vlerësoj me 2.5, për shkak se kemi profesionistë të vërtetë dhe kapacitete për përmirësimin e gjendjes aktuale, por sistemi nuk i lejon.”, – theksoi ish-ministri i Shëndetësisë, Dragan Danilovski.
Stafit shëndetësor duhet t’i sigurohen kushte për zhvillim profesional, por më e rëndësishmja është që të departizohet, thotë profesor Danilovski.
Marketing
