Vladimir Putin sot, nga qendra operacionale e Kremlinit, së bashku me aleatin e tij Alexander Lukashenko, mbikëqyrën stërvitjet ushtarake të arsenalit bërthamor rus.
“Prova e luftës”, e cila u zhvillua rreth 112 kilometra në veri të Ukrainës, përfshinte lëshimin e raketave supersonike Kinzhal dhe Tsirkon që mund t’i shpëtonin sistemeve të mbrojtjes ajrore amerikane, si dhe fluturimet strategjike të bombarduesve Tupolev.
Rusia lëshoi raketa të afta për të transportuar material bërthamor nga objektivat deti dhe toka, vetëm disa orë pasi Joe Biden tha hapur se inteligjenca amerikane kishte prova se Vladimir Putin kishte vendosur të lëvizte ushtarakisht – dhe madje synonte vetë Kievin.
Nga ana e tij, Kremlini ka deklaruar zyrtarisht se stërvitjet e përbashkëta ushtarake me Bjellorusinë – në territorin e së cilës ka grumbulluar një forcë prej më shumë se 30 mijë vetësh dhe nuk dihet nëse do të largohet pas stërvitjeve – janë pjesë e një procesi të rregullt stërvitor dhe mohon që kjo të jetë shenjë e përshkallëzimit të krizës ukrainase.
