Presidenti i Kosovës, Hashim Thaçi, e ka uruar kryeministrin e ri të Greqisë, Kyriakos Mitsotakis, duke i kërkuar raporte të mira ndër fqinjësore Kosovë-Greqi.
Kreu i shtetit të Kosovës ka thënë se do të punojë për të ndërtuar raporte të mira bilatertale me palën greke, pasi sipas tij një gjë e tillë do të sillte përfitime fillimisht për dy shtetet, pastaj edhe për të gjithë rajonin.
“Përgëzime për Kyruakos Mitsotakis dhe Demokracinë e Re për fitoren në zgjedhjet në Greqi. Do të përpiqem që të vazhdojmë punën për ndërtimin e raporteve të mira ndër fqinjësore ndërmjet Kosovës dhe Greqisë, për përfitime t përbashkëta, dhe për përfitime të të gjithë rajonit”, ka shkruar Thaçi, raporton Gazeta Express.
Ky urim i Thaçit për kryeministrin grek ka ardhur edhe përkundër faktit që Greqia vazhdon të jetë një prej pesë vendeve të BE-së të cilat vazhdojnë të mos e njohin pavarësinë e Republikë së Kosovës.
Përveç Greqisë, Kosovën vazhdojnë të mos e njohin si shtet edhe Qipro, Rumania, Sllovakia dhe Spanja.
Congratulations to @kmitsotakis and New Democracy for the victory in elections in #Greece. I look forward to continuing to work on building good neighborly relations between #Kosovo and Greece, for mutual benefit and the benefit of the region.
— Hashim Thaçi (@HashimThaciRKS) July 9, 2019
