Ndërkohë nga ana tjetër, banorët kanë kritikuar autoritetet lokale për reagimin e tyre ndaj përmbytjeve katastrofike.
Kryeministri i Spanjës, Pedro Sánchez tha se 211 persona janë konfirmuar të vdekur.
Shirat e dendur që filluan të hënën shkaktuan përmbytje, duke ndërprerë komunitetet dhe duke i lënë ata pa ujë, ushqim ose energji elektrike.
Sánchez tha se dislokimi ishte më i madhi i Spanjës në kohë paqeje, si përgjigje ndaj një prej përmbytjeve më të këqija në Evropë këtë shekull.
Kryeministri tha se ishte i vetëdijshëm se “përgjigja që po jepet nuk është e mjaftueshme”.
Paralajmërimet e motit mbeten në fuqi në Spanjën veri-lindore dhe jugore deri të dielën, ndërsa një tjetër u lëshua në Ishujt Balearik për të shtunën.
Rreth 1700 ushtarë tashmë po punojnë në operacionet e kërkim-shpëtimit në rajonin e Valencias, megjithëse shpresa për të gjetur më shumë të mbijetuar po pakësohet.
Një pjesë e fokusit është në pompimin e ujit nga tunelet nëntokësore dhe parkingjet e makinave, ku dyshohet se njerëzit kanë mbetur të bllokuar pasi uji ka hyrë brenda.
Autoritetet kanë rivendosur energjinë elektrike në më shumë se 90% të shtëpive dhe kanë rikthyer pothuajse gjysmën e linjave telefonike që ishin prishur.
Qeveria autorizoi gjithashtu 100 nëpunës civilë të përkohshëm për të ndihmuar në shpërndarjen e ndihmës financiare.
