Një ezan në Minneapolis Cedar-Riverside besohet të jetë thirrja e parë e transmetuar publikisht për lutje në një qytet të madh amerikan.
Sipas medieve të huaja, nga altoparlantët në çatinë e një xhamie të Minesotës, thirrja islamike për lutje bëri jehonë për herë të parë ndonjëherë në një lagje të Minneapolis të enjten, ndërsa komuniteti mysliman atje u përgatit për të filluar muajin e shenjtë të Ramazanit.
Dhe ezani, siç thuhet më tej, bëri jehonë përsëri në mëngjes të premten dhe do të vazhdojë pesë herë në ditë gjatë muajit të shenjtë.
Ajo që mediat amerikane e quajnë “Thirrja e thjeshtë, e shkurtër – e njohur si ezani” shënoi një moment historik për Minneapolis dhe qytetet e mëdha në të gjithë Shtetet e Bashkuara, thanë anëtarët e komunitetit.
Ndërsa ezani transmetohet zakonisht në të gjithë Lindjen e Mesme, Afrikën e Veriut dhe vendet e tjera, për shumë myslimanë në SHBA, dëgjohet vetëm brenda xhamive ose qendrave të komunitetit.
“Padyshim ka shumë ngazëllim”, ka thënë imami Abdisalam Adam, i cili është në bordin e xhamisë Dar al-Hijrah, nga ku do të transmetohet ezani.
I thirrur nga përfaqësues të ndryshëm nga xhamitë përreth qytetit, thirrja për lutje pritet të arrijë mijëra njerëz në lagjen Cedar-Riverside në Minneapolis, sipas Jaylani Hussein, drejtori ekzekutiv i Këshillit të Minesotës për Marrëdhëniet Amerikano-Islamike (CAIR).
