Nuk kanë të ndalur gafat e presidentit amerikan Joe Biden, ndërsa së fundmi një tjetër i është bashkuar listës në rritje, dhe ajo ka qenë pikërisht për luftën në Ukrainë.
Në një takim me mediet gjatë ditës së sotme, zoti Biden iu tha gazetarëve se Vladimir Putin po e humbiste luftën në Irak. Sigurisht që ata mbetën të shtangur sepse Putin aktualisht po kryen një pushtim të Ukrainës.
Duke iu përgjigjur pyetjeve të gazetarëve nëse presidenti rus ishte dobësuar nga ngjarjet e fundit, Biden tha: “Është e vështirë të thuhet, por ai qartësisht po e humb luftën në Irak”.
Në fillim të këtij muaji, zoti Biden habiti dëgjuesit kur përfundoi një fjalim para avokatëve të kontrollit të armëve duke thirrur: “Zoti e ruaj Mbretëreshën”. Zëvendës sekretarja për shtyp e Shtëpisë së Bardhë, Olivia Dalton, më vonë sqaroi shkurtimisht se ai “po i komentonte dikujt në turmë”.
Megjithatë, ajo nuk shtoi asgjë më tej se kujt po i përgjigjej apo çfarë e nxiti vërejtjen.
