Ky është momenti kur një vajzë gjashtë vjeçare vrapoi për të shpëtuar nga më e keqja pasi u gjend tepër afër një peshkaqeni, vetëm disa metra nga bregu i një plazhi Havai.
Sipas mediave të huaja, Anela Rezentes ishte duke u spërkatur në ujin e cekët dhe duke kërcyer mbi disa dallgë, ndërsa vizitonte Plazhin Kalama të Oahu të dielën, kur peshkaqeni filloi të sillej rreth saj.
E reja u filmua me një shprehje të tmerruar në fytyrë ndërsa filloi të dilte nga uji drejt mamasë së saj Sheri Gouveia, e cila po filmonte vajzën e saj në plazh dhe nuk e kuptonte se çfarë po ndodhte.
Për fat të mirë, ajo ishte në gjendje të dilte nga uji pa u lënduar, dhe u pa duke kapur syzet e saj ndërsa vraponte.
“Në kohën kur ajo doli nga uji, ajo ishte histerike”, tha Gouveia.
Ekspertët thonë se peshkaqeni në video ka të ngjarë të ishte një peshkaqen “Blacktip”, i cili ushqehet me “peshqit karrem”.
Nuk është e pazakontë që ata të notojnë në ujëra të cekëta, veçanërisht kur moti fillon të nxehet dhe peshqit e tillë fillojnë të migrojnë.
Sidoqoftë, nuk kishte gjasa që peshkaqeni të synonte Rezentes, thanë ekspertët. Ata janë përgjithësisht të ndrojtur rreth njerëzve, por mund të sillen në mënyrë agresive nëse bien në kontakt me njerëzit gjatë “gjuetisë”.
