Drejtoresha e spitalit të Koçanit, dr. Kristina Serafimova theksoi se nga 59 viktimat që pësuan në zjarrin në diskotekën “Pulse” në Koçan sipas moshës më i riu është 14 vjeç, ndërsa më i moshuari është 24 vjeç.
Sipas saj, viktimat nga zjarri i diskotekës mbrëmë janë nga Shkupi, Shtipi, Probishtip dhe Koçani. Ajo tha se viktimat ishin nga mosha 14 deri në 24 vjeç.
Ajo theksoi se ka marrë telefonatën e parë në orën 2:48 të mëngjesit dhe spitali është mobilizuar menjëherë.
“Thirrja e parë ishte në orën 2:48 të mëngjesit.” I gjithë spitali u mobilizua, duke filluar të sjellë pacientët e parë. Meqenëse kishim një numër më të vogël të automjeteve, drejtori iu drejtua qyteteve të Maqedonisë lindore, por edhe Shkupit dhe Velesit”, theksoi Serafimova.
Marketing
