Presidenti amerikan Donald Trump ka paralajmëruar se do të mbyllë aplikacionin Tik Tok.
Ndërkohë, menaxheri i përgjithshëm amerikan i Tik Tok ka thënë se aplikacioni i ndarjes së videos në pronësi kineze është “këtu për një afat të gjatë”.
Vanessa Pappas u tha përdoruesve të Tik Tok në një deklaratë video se stafi i saj po ndërtonte “aplikacionin më të sigurt”.
Më herët Trump tha se ai së shpejti mund të nënshkruajë një urdhër ekzekutiv, pas shqetësimeve që aplikacioni mund të përdoret për të mbledhur të dhënat personale të amerikanëve.
Ndërkohë, Tik Tok nga ana e tyre mohon çdo kontroll kinez.
Aplikacioni me rritje të shpejtë ka deri në 80 milion përdorues aktivë mujorë në SH.B.A. dhe ndalimi do të ishte një goditje e madhe për firmën kineze ByteDance e cila e zotëron atë.
Nuk ishte e qartë menjëherë se me cilin autoritet Trump do të ndalojë Tik Tok, si do të zbatohej ai ndalim dhe me cilat sfida ligjore do të përballeshin.
Masa për të ndaluar Tik Tok vjen në një kohë të tensioneve të ngritura midis administratës Trump dhe qeverisë kineze për një numër çështjesh, duke përfshirë mosmarrëveshjet tregtare dhe trajtimin e Pekinit për shpërthimin e koronavirusit.
