Presidenti i SHBA Donald Trump ka akuzuar Volodymyr Zelensky për dëmtim të negociatave të paqes, pasi presidenti ukrainas tha se Kievi nuk do të njihte kontrollin rus të Krimesë.
Duke shkruar në Truth Social, Trump pretendoi se një marrëveshje për t’i dhënë fund luftës ishte “shumë afër”, por se refuzimi i Zelenskyt për të pranuar kushtet e SHBA “nuk do të bëjë gjë tjetër veçse të zgjasë” konfliktin.
Më parë, Zëvendës-Presidenti i SHBA-së, JD Vance paraqiti vizionin e SHBA për një marrëveshje, duke thënë se ajo do të “ngrijë linjat territoriale […] afër vendit ku janë sot”.
Ukraina ka thënë prej kohësh se nuk do të heqë dorë nga Krimea, një gadishull jugor i aneksuar ilegalisht nga Rusia në 2014.
Vance tha se marrëveshja do të thotë se Ukraina dhe Rusia “do të duhet të heqin dorë nga një pjesë e territorit që zotërojnë aktualisht”.
Administrata duhet ende të ofrojë publikisht specifika se cilat lëshime gjeografike do të duheshin bërë.
I pyetur nga gazetarët në Shtëpinë e Bardhë nëse administrata po kërkonte të njihte sovranitetin e Rusisë mbi Krimenë, Trump tha se ai thjesht donte të shihte fundin e luftës.
“Unë nuk kam asnjë favorit. Unë nuk dua të kem asnjë favorit. Unë dua të bëj një marrëveshje,” tha ai, raporton BBC.
