Një kuzhinier shqiptar, i cili u kap me 171 bimë kanabisi me vlerë mbi 60,000 paund, i është caktuar nga gjykata angleze të paguajë vetëm 385 dollarë.
23 vjeçari, Fabio Balliu, u la në burg për 27 muaj në janar pasi policia bastisi një shtëpi në Spring Gardens, Gainsborough.
Policia e Lincolnshire fillimisht u alarmua nga një fqinj i dyshimtë i cili besonte se një vjedhje po ndodhte më 17 maj të vitit të kaluar. Oficerët mbërritën në banesë në orën 10 të mëngjesit të nesërm dhe menjëherë ndjenë erën e kanabisit që vinte nga brenda pronës dhe zhurmën e ventilatorëve elektrikë.
Balliu, i cili jetonte në Nottinghamshire, hapi derën e hyrjes dhe u largua menjëherë nga prona, por u ndalua dhe u arrestua pak çaste më vonë.
Ai u tha oficerëve: “Ok, unë jam nga Shqipëria. Anglishtja ime nuk është e mirë.”
Mediat e huaja shkruajnë se policia gjeti një zonë ndenjeje në dhomën e përparme me një divan dhe frigorifer të zbrazët, gjë që linte dyshime se Balliu ndoshta nuk jetonte në këtë banesë.
Në shtëpi u gjetën tre zona kultivimi, me 87 bimë kanabis në fazën e lulëzimit dhe 84 bimë kanabis në gjendje vegjetative. Policia kontrolloi gjithashtu adresën e shtëpisë së Balliut në Nottinghamshire dhe gjeti fatura nga një dyqan DIY në Sutton-in-Ashfield.
Balliu pranoi se prodhonte kanabis dhe u burgos në fillim të këtij viti. Çështja u shty për të përcaktuar vlerën e drogës dhe për të parë se sa para mund t’i sekuestroheshin Balliut. Gjatë seancës dëgjimore në Gjykatën Lincoln Crown u tha se vlera e kanabisit të gjetur në Spring Gardens kishte vlerën 60,054 dollarë.
Megjithatë, gjykata u tha se Balliu kishte në dispozicion asete prej vetëm 385 dollarë, të cilat ishin në një llogari bankare të lidhur me prodhimin e kanabisit. Gjyqtarja Catarina Sjolin Knight urdhëroi Balliun që të paguante shumën prej 385 £ brenda dy muajsh ose në të kundërt do të përballet me burgun.
