Më 14 shkurt, qytetarët e Kosovës do t’u drejtohen kutive të votimit për të zgjedhur drejtuesit e institucioneve më të larta në vend.
Por që nga data 3 shkurt partitë politike kanë të drejtën e hapjes së fushatës elektorale.
Por janë pikërisht partitë politike të cilat nuk kanë pritur deri në këtë datë dhe fushatën e kanë startuar shumë më herët.
Të njëjtëve nuk po u bëhet vonë për situatën e krijuar nga pandemia COVID-19 dhe vazhdojnë të mblidhen me shumë përkrahës anembanë vendit.
Por është pikërisht Drejtori e Inspkecionit që së fundi ka gjobitur Aleancën për Ardhmërinë e Kosovës si dhe Nismën Socialdemokrate, pasi të njëjtët nuk kanë respektuar ligjin për parandalimin dhe luftimin e pandemisë, transmeton lajmi.net.
Që të dyja partitë janë gjobitur me nga 2000 euro.
Postimi i plotë:
Askush mbi ligjin!
Vazhdojmë me shqiptimin e gjobave për subjektet politike që organizojnë tubime në kundërshtim me vendimet qeveritare dhe ligjet në fuqi.
Inspekcioni i Rendit Komunal po angazhohet në identifikimin dhe marrjen e masave ndaj secilit subjekt – shkelës të ligjit – brenda territorit të Kryeqytetit.
Ligjin për parandalimin dhe luftimin e pandemisë, vlen për të gjithë!
