Manchester City rrezikon seriozisht të përjashtohet nga gara më prestigjioze evropiane për klube, Liga e Kampionëve, për të paktën një sezon, për shkak të shkeljeve të dyshuara financiare.
Organi hetues i shtëpisë evropiane të futbollit (UEFA), është duke e zhvilluar një hetim ndaj Manchester City dhe pritet t’i kërkojë UEFA-s ta pezullojë kampionin e Anglisë nga Liga e Kampionëve, sipas New York Times, përcjell Gazeta Express.
Organi hetues i UEFA-s e është duke kryer hetim ndaj llogarive bankare të City, pasqyrimet e të cilave u zbuluar vitin e kaluar, pas akuzave se klubi, i cili është në pronësi të sheikut Mansour bin Zayed al-Nahyan, i kishte shkelur rregullat e Financial Fair Play të UEFA-s.
City ka mohuar çdo akuzë për shkeljen e rregullave të FFP-së.
Hetimi, i udhëhequr nga ish-kryeministri i Belgjikës, Yves Leterme, pritet të përfundojë në fund të kësaj jave apo javën e ardhshme dhe pritet të kërkojë që Manchester City të pezullohet nga Liga e Kampionëve për të paktën një sezon.
