Universiteti i Evropës juglindore, sot me një ceremoni solemne ka shënuar 21 vjetorin e themelit të tij, me ç`rast edhe u promovuan doktorantët e rijnë por edhe u ndanë mirënjohje për punëtorët më të vyeshëm të këtij universiteti. Rrugëtimin 21 vjeçar të Universitetit të Evropës juglindore, rektori i universitetit, Abdylmenaf Bexheti, e cilësoi si të suksesshëm, duke përmendur arritjet, me theks të veçantë numrin e programeve studimore që ka arritur në 40, si deridiplomike po ashtu edhe të ciklit të dytë dhe 12 programe studimore të ciklit të tretë me një numër prej 4000 studentësh aktiv.
“Jemi krenar me gjithë alumnin tonë dhe pothuajse se s`ka kompani, institucion apo asociacion ku nuk kontribuojmë për shoqërinë tonë. Iluminizmi arsimor dhe shkencor i këtyre plejadave, na motivon edhe më shumë ku, gjeneratat e para të diplomuara, mes të cilave dy e treta nga ky institucion i kanë tejkaluar orbitat tona shkencore dhe sot shkëlqejnë gjithandej. Iu jemi pafund mirënjohur bashkësisë ndërkombëtare dhe taksa paguesve evropian dhe amerikan për kontributin e çmuar sidomos në dekadën e parë të këtij institucioni kur edhe u themelua. Por cilat janë objektivat tona kryesore që tanimë i kemi formuluar ende në strategjinë e viteve 21-24? Së pari përmes rritjes permanente të cilësisë të ndalin trendin rënës të studentëve që zgjati një dekadë të plotë, sivjet është viti i pestë akademik që në arrimë rritje mbi 15 për qind të ciklit të parë me studentët e regjistruar”, deklaroi Abdylmenaf Bexheti. Rektor i UEJL.
