Kuvendi i Maqedonisë ka votuar ndryshimet kushtetuese, ku pro ndryshimeve kanë votuar 81 deputetë, me këtë emri i ri i Maqedonisë, do të jetë Republika e Maqedonisë së Veriut.
Urimi i parë nga Kosova për këtë të arritur historike ka ardhur nga zëvendësministri i Mbojtjes së Kosovës, Burim Ramadani.
“Shqiptarëve në Maqedoninë e Veriut posaçërisht për rolin vendimtar në ndryshimet kushtetuese dhe rrugën euro-atlantike të shtetit”, thotë ai.
Urimi i plotë:
Urime popullit dhe institucioneve të Maqedonisë së Veriut!
Shqiptarëve në Maqedoninë e Veriut posaçërisht për rolin vendimtar në ndryshimet kushtetuese dhe rrugën euro-atlantike të shtetit.
Anëtarësimi i Maqedonisë së Veriut në NATO do të jetë një hap përpara për sigurinë në rajon dhe përballjen me tendencat neo-perandorake ruse.
Kosova është shteti i radhës që do të anëtarësohet në NATO, pas pak vitesh. Kështu, rajoni ynë forcon stabilitetin dhe demokratizimin. Bashkëpunimi midis dy shteteve tona do të thellohet vazhdimisht.
