Zonja Valbona Adili Emini, specilaiste e pediatrisë, e renditur e dyta në listë e koalicionit VLEN ka reaguar në profilin e saj në Facebook pas marrjes së mandatit së deputetes pas dorëheqjes së deputetit të tanishëm të koalicionit VLEN Salim Sulejmani.
Valbona Adili Emini ka shkruar se ky mandat deputeti nuk është vetëm një sukses personal por një besim që i është dhënë për të përfaqësuar me nder dhe përkushtim zërin e votuesve të njësië numër pesë.
Ndryshe ish deputeti Salim Sulejmani doli me qëndrime kundër daljes së ASh-së nga Qeveria ditë më parë duke shprehur mospajtime të hapuar me qëndrimet e liderit Arben Taravari.
Postimi i plotë i Valbona Adlili Emini
Të dashur miq, familjarë dhe qytetarë,
Nga zemra ju falënderoj për urimet e përzemërta dhe mbështetjen tuaj të jashtëzakonshme pas fitimit të mandatit tim si deputete në Kuvendin e Maqedonisë së Veriut. Çdo mesazh, fjalë dhe përkrahje që kam marrë më ka dhënë edhe më shumë forcë dhe përgjegjësi për të përfaqësuar me nder dhe përkushtim zërin tuaj.
Ky mandat nuk është vetëm një sukses personal, por një besim që më është dhënë për të punuar në shërbim të të gjithë qytetarëve. Premtoj se do të jem zëri juaj në Kuvend, gjithmonë e palëkundur në parime dhe e përkushtuar për të sjellë ndryshime pozitive.
Faleminderit edhe një herë për dashurinë dhe besimin tuaj!
Me respekt dhe mirënjohje,Dr. Valbona. (koha.mk)
