Ish trajneri i Barcelonës, Ernesto Valverdes, nuk po i pëlqen ideja që pjesa e mbetur e sezonit në La Liga të luhet pa praninë e tifozëve në tribuna.
Valverde ka drejtuar Barcelonën në një ndeshje pas dyerve të mbyllura në fitoren 3:0 ndaj Las Palmas, duke e cilësuar këtë ndeshje si një përvojë të tmerrshme.
Futbolli profesional në Spanjë është i pezulluar për më shumë se dy muaj shkaku i COVID-19, por tani janë bërë plane për rikthimin e tij, por pa tifozë.
“Në disa ndeshje do të jetë mirë, por nuk e di se çfarë do të ndodh me të gjitha ndeshjet pa tifozë”, ka deklaruar Valverde, përcjell lajmi.net. “Të parët do të jenë të komplikuara”, ka shtuar ai.
“Ishte e tmerrshme. Ne nuk ishim të gatshëm të luanim në atë mënyrë”, ka thënë ish trajneri i Barcelonës, teksa ka kujtuar ndeshje e zhvilluar pa tifozë kundër Las Palmas.
