Spitalet në të gjithë botën janë plot me pacient të pavaksinuar, ne e dime se si do të ecë pandemia…
Spitalet në të gjithë botën janë plot me pacient të pavaksinuar, ne e dime se si do të ecë pandemia, vetëm vaksinimi do ta ktheje jetën në normalitet thotë Ministri i Shëndetësisë Venko Filipçe. Lidhur me vdekshmërinë e të rinjve, ai tha se kjo është diçka që ata i kushtojnë vëmendje të veçantë, por, siç tha ai, për fat të keq, janë njerëz të pavaksinuar.
“Ne e dimë saktësisht se si trajtohen të gjithë pacientët dhe të gjithë trajtohen sipas protokolleve, me barnat më moderne. Nuk ka mungesë të asnjë ilaçi, ne jemi i vetmi vend në rajon që kemi antitrupat, prodhuesi origjinal që e morëm falë Bankës Botërore. Shumica e pacientëve në spital janë të pavaksinuar, dhe ky është problemi.”, tha Ministri i Shëndetësisë Venko Filipçe.
Minsitri gjithashtu potencoi se është mirë që aktualisht ka stagnim në spitalet e vendit.
“Është mirë që në këtë moment ka ngecje disi, spitalet nuk janë më të mbushur me atë dinamikë siç ishte deri më tani. Dy ditët e fundit kemi pasur një numër të vogël pacientësh në spitale, nuk ka nevojë të aktivizoni reparte shtesë në klinikat e brendshme edhe pse ato janë gati.”, tha Filipçe.
Ai informoi se në vend që nga dje, gjithsej rreth 740 mijë qytetarë janë vaksinuar me dozën e parë. Filipce beson se nëse ky trend vazhdon do të jetë mirë. Përqindja e përgjithshme e të vaksinuarve me një dozë të vetme të qytetarëve mbi 40 vjeç është 53 përqind, totali diku rreth 37 përqind, që do të thotë më pak mbulim të qytetarëve të rinj. Ministri i Shëndetësisë informoi se ai kishte një takim me përfaqësuesit e “Pfizer”, në të cilin ata diskutuan planet për vitin e ardhshëm dhe njohuritë e tyre në lidhje me provat klinike. Të gjitha testet e deritanishme shkojnë në drejtimin që ndoshta do të nevojitet një dozë e tretë.
