Ish-kryeministri japonez, Shinzo Abe konfirmohet i vdekur pasi u qëllua me armë.
Ish-kryeministri japonez Shinzo Abe ka vdekur pasi u qëllua duke mbajtur një fjalim në qytetin perëndimor të Nara, tha transmetuesi shtetëror NHK.
Vdekja e tij u konfirmua gjithashtu nga një burim brenda Partisë Liberal Demokratike në pushtet, raportoi Reuters.
Abe, i cili ishte 67 vjeç, pësoi plagë në anën e djathtë të qafës dhe në klavikulën e majtë, tha Departamenti i Zjarrfikësve të qytetit Nara, duke shtuar se ai ishte në arrest kardiopulmonar përpara se të dërgohej në spital.
NHK transmetoi pamjet që tregonin Abe të rrëzuar në rrugë me rojet e sigurisë që vraponin drejt tij.
Një gazetar në vendngjarje tha se ata dëgjuan dy goditje të njëpasnjëshme gjatë fjalimit të zotit Abe.
Një 41-vjeçar është arrestuar, tha policia.
