Gjykimi për ndodhitë në Kuvend më 27 prill të vitit të kaluar vazhdon sot me dëgjimin e dëshmitarëve të propozuar nga mbrojtja. Mbrojtja e Mitko Çavkovit propozoi dy dëshmitarë, për Dushko Llazarov tre persona dhe Goran Gjoeshevski dy dëshmitarë, ku njëri ndër tyre është Trahko Veljanovski.
Dëshmitarë shtesë të propozuar nga mbrojtja janë edhe të akuzuarit Bogdan Ilievski me pesë dëshmitarë, Boris Damovski dhe Janke Çento nga një dëshmitarë, si dhe Abdykfeta Alimi i cili porpozon deputetin Ziadin Sela. Në seancën e kaluar u mbrojt i akuzuari Aleksandar Vasilevski “Ninxha”, ndërsa me propozimin e tij janë dëgjuar dëshmitarët Dejan Dimovski ‘Bokser”, Vekle Petrushevski dhe Bllagoja Vasilevski. Në gjykatë u dëgjua edhe ish-drejtori i DSK-së, Vlladimir Atanosovski.
Procesin gjyqësor e udhëheq Dobrilla Kacarska, ndërsa aktakuzën e përfaqëson Villma Ruskovska dhe Ivana Trajçevska. Ndryshe, për ngjarjet në Kuvend të akuzuar janë 33 persona, prej të cilëve 31 për veprën “rrezikim terrorist të rendit kushtetues” dhe dy të tjerë për veprën “nxitje”.
